کراچی — پاکستان میں سونے کی قیمت تاریخ کی نئی بلند ترین سطح پر جا پہنچی۔ آل پاکستان صرافہ جیمز اینڈ جیولرز ایسوسی ایشن (APSGJA) کے مطابق پیر کو فی تولہ سونا 3,500 روپے اضافے کے بعد 4 لاکھ 10 ہزار 278 روپے جبکہ 10 گرام سونا 3,001 روپے اضافے کے ساتھ 3 لاکھ 51 ہزار 747 روپے کا ہو گیا۔
ایسوسی ایشن کے مطابق یہ اضافہ عالمی منڈی میں سونے کی قیمتوں میں نمایاں تیزی کے بعد ہوا، جہاں سونا 35 ڈالر اضافے سے بڑھ کر 3,890 ڈالر فی اونس پر پہنچ گیا۔
ایسوسی ایشن کے صدر قاسم شکارپوری نے کہا کہ گزشتہ چند ماہ میں معمولی اتار چڑھاؤ کے باوجود عالمی سطح پر رجحان مسلسل اوپر جا رہا ہے۔ انہوں نے اس اضافے کی وجہ عالمی غیر یقینی صورتِ حال، امریکی ڈالر کی کمزوری، امریکی حکومت کے ممکنہ شٹ ڈاؤن کے خدشات اور فیڈرل ریزرو کی جانب سے سود کی شرح میں مزید کمی کے امکانات کو قرار دیا۔
بین الاقوامی میڈیا رپورٹس کے مطابق سرمایہ کار غیر یقینی معاشی حالات میں سونے کو محفوظ سرمایہ کاری سمجھتے ہوئے اس کی طرف متوجہ ہو رہے ہیں، جس سے قیمتوں میں مزید اضافہ دیکھنے میں آ رہا ہے
متعلقہ پوسٹ
بیڈن روڈ سے بیکن ہائوس تک المیوں کی کہانی
تحریر: عرفان احمد خان ہمارے بچپن میں لاہور ایک بہت ہی پر امن شہر تھا ۔ بادشاہی مسجد ، انار کلی ، پنجاب سیکٹریریٹ اور بااثر انگریزوں سے موسوم سڑکیں ڈیوس روڈ ،ایمپرس روڈ، میکلوڈ روڈ ارجرٹن روڈ ، بیڈن روڈ لاہور کی پہچان ہوا کرتی تھیں ۔ لیکن اسلامی حکومتوں اور ملاؤں نے مل کر اس پر پاسباں شہر…
غزہ تنازع پر ڈونلڈ ٹرمپ کی متحرک سفارت کاری: مسلم ممالک کے نمائندوں سے ملاقات اور یو این جنرل اسمبلی سے خطاب آج
نیویارک – اقوام متحدہ کی جنرل اسمبلی کے جاری اجلاس کے دوران آج دنیا کی نظریں سابق امریکی صدر ڈونلڈ ٹرمپ پر مرکوز ہیں، جو غزہ کی بگڑتی ہوئی صورتحال پر مسلم ممالک کے نمائندوں سے ملاقات کے بعد عالمی فورم سے خطاب کریں گے۔ذرائع کے مطابق ٹرمپ کی یہ ملاقات اقوام متحدہ کے ہیڈکوارٹر میں مسلم ممالک کے وزرائے…
