کابل: افغانستان کے نائب وزیراعظم برائے اقتصادی امور ملا عبدالغنی برادر نے افغان تاجروں کو ہدایت کی ہے کہ وہ پاکستان پر تجارتی انحصار ختم کر دیں اور دیگر ممالک کے راستوں سے تجارت کو فروغ دیں۔
افغان میڈیا کے مطابق ملا برادر نے کہا کہ "تمام افغان تاجر اور صنعت کار پاکستان کے بجائے دوسرے تجارتی راستوں کی طرف رجوع کریں،” اور واضح کیا کہ آئندہ اگر کوئی تاجر پاکستان کے ساتھ تجارت جاری رکھے گا تو حکومت اس کے ساتھ کوئی تعاون نہیں کرے گی۔
انہوں نے پاکستان سے درآمد شدہ ادویات کے معیار کو ناقص قرار دیتے ہوئے ادویات کے درآمد کنندگان کو تین ماہ کی مہلت دی ہے تاکہ وہ پاکستان کے ساتھ اپنے تجارتی کھاتے بند کر دیں۔
ملا برادر کا کہنا تھا کہ افغانستان کو اب درآمدات و برآمدات کے لیے متبادل راستوں تک رسائی حاصل ہو چکی ہے اور خطے کے دیگر ممالک کے ساتھ اقتصادی تعلقات پہلے سے زیادہ مضبوط ہو گئے ہیں۔
انہوں نے مزید کہا کہ اگر پاکستان مستقبل میں افغانستان کے ساتھ تجارتی راستے دوبارہ کھولنا چاہتا ہے تو اسے یہ تحریری ضمانت دینی ہوگی کہ یہ راستے کسی بھی صورت میں دوبارہ بند نہیں کیے جائیں گے۔
متعلقہ پوسٹ
بھارتی میڈیا کا دعویٰ: ایک اور "پاکستانی کبوتر جاسوس” گرفتارنئی دہلی: بھارتی میڈیا نے دعویٰ کیا ہے کہ بھارتی سیکیورٹی فورسز نے ایک اور مبینہ "پاکستانی جاسوس کبوتر” کو حراست میں لے لیا ہے، جس کے بارے میں کہا جا رہا ہے کہ وہ خفیہ کوڈ شدہ پیغامات لے کر آیا تھا۔ بھارتی ذرائع ابلاغ کے مطابق اس کبوتر کو سرحدی علاقے سے پکڑا گیا اور اسے پاکستان کے…
