اسلام آباد (عباس احمد )انسپکٹر جنرل آف پولیس اسلام آباد سید علی ناصر رضوی کی زیرِ صدارت رات گئے 6 گھنٹے طویل آپریشنل کمانڈرز کانفرنس منعقد ہوئی، جس میں وفاقی دارالحکومت کی مجموعی سکیورٹی صورتحال، پولیس کی کارکردگی، جرائم کی روک تھام، جدید ٹیکنالوجی کے استعمال اور عوامی سہولیات سے متعلق جاری منصوبوں کا تفصیلی جائزہ لیا گیا۔کانفرنس میں تمام ڈی آئی جیز، اے آئی جیز اور ایس ایس پیز نے شرکت کی اور آئی جی اسلام آباد کو اپنے اپنے ڈویژنز کی کارکردگی رپورٹس پیش کرتے ہوئے تفصیلی بریفنگ دی۔اس موقع پر آئی جی اسلام آباد سید علی ناصر رضوی نے واضح ہدایات جاری کرتے ہوئے کہا کہ شہریوں کی خدمت اور قانون کا مؤثر نفاذ اسلام آباد پولیس کی اولین ترجیح ہے۔ انہوں نے شہر بھر میں پتنگ فروشی اور پتنگ بازی میں ملوث عناصر کے خلاف بلا امتیاز سخت قانونی کارروائیوں کی ہدایت دیتے ہوئے کہا کہ شہریوں کی جانوں سے کھیلنے والوں کو کسی صورت معاف نہیں کیا جائے گا۔آئی جی اسلام آباد نے تمام افسران کو جرائم پیشہ عناصر کے خلاف کارروائیاں مزید تیز کرنے، وفاقی دارالحکومت میں “نشہ اب نہیں” مہم کے دائرہ کار کو وسیع کرنے اور منشیات کے خاتمے کیلئے مربوط حکمت عملی اپنانے کی ہدایت کی۔انہوں نے شہریوں کی سہولت کیلئے زیادہ سے زیادہ آن لائن پولیس سروسز فراہم کرنے، آرٹیفیشل انٹیلیجنس اور انفارمیشن ٹیکنالوجی کے شعبے میں مزید جدت لانے پر زور دیا۔ اس کے ساتھ ساتھ سیف سٹی اسلام آباد کے دائرہ کار کو جدید ٹیکنالوجی کے حصول کے ذریعے مزید وسعت دینے کی بھی ہدایت کی گئی۔آئی جی اسلام آباد سید علی ناصر رضوی نے پولیس افسران اور جوانوں کی استعداد کار بڑھانے کیلئے ٹریننگ سسٹم کو مزید مؤثر بنانے، ٹیم ورک کو مضبوط کرنے اور ماتحت عملے کے ساتھ بہتر ہم آہنگی یقینی بنانے کی ہدایت کی۔کانفرنس کے اختتام پر آئی جی اسلام آباد نے کہا کہ اسلام آباد پولیس وفاقی دارالحکومت میں امن و امان، سکیورٹی صورتحال اور شہریوں کی جان و مال کے تحفظ کو ہر ممکن یقینی بنائے گی۔ انہوں نے تمام کمانڈرز کو سخت محکمانہ احتساب کے ساتھ ساتھ پولیس افسران و جوانوں کی ویلفیئر کا خصوصی خیال رکھنے اور روزانہ کی بنیاد پر بریفنگ دینے کی ہدایت بھی جاری کی۔
متعلقہ پوسٹ
پی آئی اے کی نجکاری کے خلاف شدید احتجاج، ملازمین کا فضائی آپریشن معطل کرنے کا اعلان
لاہور: پاکستان انٹرنیشنل ایئرلائن (پی آئی اے) کی نجکاری کے خلاف ملازمین نے شدید احتجاج کرتے ہوئے اعلان کیا ہے کہ اگر ادارے کی نجکاری کی گئی تو وہ انتہائی قدم اٹھانے پر مجبور ہوں گے اور فضائی آپریشن معطل کر دیا جائے گا۔ پی آئی اے ٹاؤن آفس لاہور کے باہر ملازمین نے احتجاجی بینرز اٹھا کر سڑک پر…
ایران کا تمام ممالک کے تجارتی جہازوں کیلیے آبنائے ہرمز کھولنے کا اعلان
تہران — ایرانی وزیر خارجہ نے اپنے سرکاری سوشل میڈیا اکاؤنٹ پر ایک پوسٹ کے ذریعے اعلان کیا ہے کہ آبنائے ہرمز تمام ممالک کے تجارتی بحری جہازوں کے لیے کھول دی جائے گی۔یہ اعلان اسرائیل اور امریکا کے درمیان طے پانے والی دو ہفتوں کی جنگ بندی کے تناظر میں سامنے آیا ہے، جس کی ایک بنیادی شرط آبنائے…
لاہور میں لاوارث میتوں کی تدفین سنگین انتظامی مسئلہ بننے لگی
لاہور میں لاوارث میتوں کی تدفین سنگین انتظامی مسئلہ بنتی جا رہی ہے۔ 2016 میں قائم کیا گیا ’’شہرِ خاموشاں‘‘ ماڈل قبرستان اس صورتحال کا مستقل حل سمجھا جاتا تھا، مگر اس وقت کی حکومت کی تبدیلی کے بعد سے یہ منصوبہ غیر فعال ہے۔ شہر خاموشاں منصوبے کے آغاز پر یہاں صاف اور منظم قبریں، غسلِ میت کے لیے…
عدالت کا ایئربلیو حادثے کے متاثرین کو 5.4 ارب روپے ہرجانہ دینے کا حکم
اسلام آباد کی عدالت نے ہفتے کو 2010 کے ایئربلو طیارہ حادثے کے آٹھ متاثرین کے اہل خانہ کو مجموعی طور پر تقریباً 5.4 ارب روپے ہرجانہ ادا کرنے کا حکم دیا۔ ایڈیشنل ڈسٹرکٹ کورٹ، جس کی سربراہی جسٹس ڈاکٹر رسول بخش مرجت کر رہے تھے، نے ایئربلو کی جانب سے دائر اپیل مسترد کرتے ہوئے ایئرلائن کی ذمہ داری…
زیلنسکی ٹرمپ ملاقات سے قبل یوکرین پر روسی میزائیلوں کی بارش، کیف لرز اٹھا
روسی افواج نے یوکرین کے دارالحکومت کیف اور دیگر علاقوں پر میزائلوں اور ڈرونز سے بڑے پیمانے پر حملے کیے، جس کے نتیجے میں کم از کم دو افراد ہلاک اور 46 زخمی ہو گئے، جن میں دو بچے بھی شامل ہیں۔ یوکرینی صدر ولادیمیر زیلنسکی کے مطابق حملوں میں تقریباً 500 ڈرونز اور 40 میزائل استعمال کیے گئے، جن…
وفاقی وزیر اطلاعات عطا تارڑ کا ردِعمل: “کوئی ملاقات نہیں ہو رہی، ملاقاتیں بند ہیں، اس انتہاپسند شخص کو جنگی جنون سوار ہے
اسلام آباد — وفاقی وزیر اطلاعات عطا تارڑ نے کہا ہے کہ کسی قسم کی کوئی ملاقات نہیں ہو رہی، تمام ملاقاتیں بند کر دی گئی ہیں۔ انہوں نے ایک بیان میں سابق حکومتی سربراہ پر شدید تنقید کرتے ہوئے کہا کہ “اس انتہاپسند شخص کو جنگی جنون سوار ہے۔”عطا تارڑ نے کہا کہ سوال یہ ہے کہ اس شخص…
