اوٹس گبسن پی ایس ایل 11 کے لیے پشاور زلمی کے ہیڈ کوچ مقرر

جاوید آفریدی: ان کا وسیع تجربہ ٹیم کو نئی بلندیوں تک لے جائے گا
پشاور (10 فروری 2026) – پاکستان سپر لیگ کی مقبول فرنچائز پشاور زلمی نے آنے والے سیزن 11 کے لیے اوٹس گبسن کو ٹیم کا ہیڈ کوچ مقرر کر دیا ہے۔
56 سالہ اوٹس گبسن ایک تجربہ کار کوچ ہیں جنہوں نے ویسٹ انڈیز (2010-2014) اور جنوبی افریقہ کی قومی ٹیموں کی کوچنگ کی ذمہ داریاں نبھائیں۔ اس کے علاوہ وہ یارکشائر، بنگلہ دیش پریمیئر لیگ، دی ہنڈریڈ اور دیگر متعدد T20 فرنچائز لیگ میں بھی کوچنگ کر چکے ہیں۔
پشاور زلمی کے چیئرمین جاوید آفریدی نے اس تقرری پر خوشی کا اظہار کرتے ہوئے کہا:
"اوٹس گبسن کا بین الاقوامی اور فرنچائز کرکٹ میں بہت وسیع تجربہ ہے۔ ہم یقین رکھتے ہیں کہ ان کی قیادت میں پشاور زلمی PSL 11 میں ایک بار پھر طاقتور اور جیتنے والی ٹیم کے طور پر ابھرے گی۔”
یہ تقرری زلمی کی نئی سیزن کی تیاریوں کا اہم حصہ ہے اور جلد ہی باقی کوچنگ سٹاف اور کھلاڑیوں کے بارے میں اعلانات بھی متوقع ہیں۔