(ویب ڈیسک) متحدہ عرب امارات نے آج ایران کے مزید میزائل اور ڈرون اٹیک میزائلوں اور ڈرونز کو راستے میں انٹرسیپٹ کر کے ناکام بنا دیئے۔ متحدہ عرب امارات کے حکام نے تصدیق کی ہے کہ ملک کا ائیر ڈیفینس سسٹم فعال طور پر ایران سے آنے والے میزائلوں اور ڈرونز کو روک رہا ہے۔
وزارت دفاع (ایم او ڈی) نے آج ہفتہ کے روز ایک ایڈوائزری میں کہا کہ ملک کے کچھ حصوں میں سنائی دینے والی آوازیں فضائی دفاعی نظام کی وجہ سے ہیں جو خطرات سے منسلک ہیں، یہ۰ آوازیں زمین پر کسی میزائل وغیرہ کے گرنے کی نہیں تھیں، کوئی اثرات سامنے نہیں آئے۔
الگ الگ ایڈوائزری میں، وزارت داخلہ اور نیشنل ایمرجنسی کرائسز اینڈ ڈیزاسٹر مینجمنٹ اتھارٹی (NCEMA) نے عوام پر زور دیا کہ وہ گھر کے اندر یا محفوظ مقامات پر رہیں اور تصدیق شدہ اپ ڈیٹس کے لیے سرکاری چینلز کی بتائی ہوئی باتوں کی پیروی کریں۔
حکام نے کہا کہ قومی فضائی حدود کی حفاظت اور شہریوں کی حفاظت کو یقینی بنانے کی کوششوں کے ساتھ تمام دفاعی نظام مکمل طور پر کام کر رہے ہیں۔
امارات کے تمام رہائشیوں کو مشورہ دیا گیا ہے کہ وہ صرف سرکاری معلومات پر بھروسہ کریں کیونکہ صورتحال بدل رہی ہے۔ حکام نے مزید کہا کہ شہریوں کی حفاظت اور اہم انفراسٹرکچر کو ترجیح دیتے ہوئے آنے والے گھنٹوں میں مزید اپ ڈیٹس یا انتباہات کے ساتھ پیش رفت پر گہری نظر رکھی جا رہی ہے۔
یہ بھی پڑھیئے: ایران کا سعودی عرب میں پرنس سلطان ائیربیس پر میزائل حملہ ،12 امریکی فوجی زخمی
یہ بھی پڑھیئے: ابو ظہبی:میزائل حملہ ناکام ،ملبہ گرنے سے5 افراد زخمی ہوگئے
یہ بھی پڑھیئے: اسرائیل پر کلسٹر بموں کی برسات، ایران کا کویت میں 6 امریکی بحری جہاز تباہ ،دبئی میں فوجیوں کی ہلاکت کا دعویٰ
