دنیا کا تیز رفتار انسان نما روبوٹ تیار، جدید ٹیکنالوجی نے ماہرین کو حیران کر دیا
روبوٹ کی تیاری میں ہلکے وزن کے المونیم اور فائبر سے بنے پرزوں کا استعمال کیا گیا ہے
-
ویب ڈیسک -
روبوٹکس کی دنیا میں اہم پیش رفت سامنے آئی ہے جہاں سائنسدانوں نے ایک جدید انسان نما روبوٹ تیار کیا ہے جو غیر معمولی رفتار سے دوڑنے کی صلاحیت رکھتا ہے۔
جدید روبوٹ میں طاقتور موٹرز، مصنوعی ذہانت، جدید سینسرز اور متوازن رکھنے والا جدید نظام نصب کیا گیا ہے جس کی مدد سے یہ تیز رفتاری کے دوران اپنا توازن برقرار رکھنے اور گرنے سے بچنے کی صلاحیت رکھتا ہے۔
روبوٹ کی تیاری میں ہلکے وزن کے المونیم اور فائبر سے بنے پرزوں کا استعمال کیا گیا ہے جس سے اس کے وزن کو کم رکھنے کے ساتھ ساتھ حرکت اور رفتار میں بھی بہتری لائی گئی ہے۔
یہ بھی پڑھیں: بیجنگ میں دوسرے ورلڈ ہیومنائیڈ روبوٹ گیمز کا آغاز، 2 ہزار سے زائد روبوٹس شریک
اس روبوٹ کی تیز رفتاری نے ماہرین اور ٹیکنالوجی کے شعبے سے وابستہ افراد کی توجہ حاصل کی ہے جبکہ اس کی کارکردگی کو انسانی دوڑ کے مقابلے میں بھی جانچا جا رہا ہے۔
ماہرین کے مطابق تیز رفتار انسان نما روبوٹس مستقبل میں ریسکیو اور ہنگامی کارروائیوں، صنعتی کاموں اور دیگر ایسے شعبوں میں استعمال کیے جا سکتے ہیں جہاں تیز حرکت اور مشکل حالات میں کام کرنے کی ضرورت ہو۔
روبوٹکس اور مصنوعی ذہانت میں ہونے والی یہ پیش رفت مستقبل میں انسان نما مشینوں کی صلاحیتوں میں مزید اضافے کی راہ ہموار کر سکتی ہے۔
