راولپنڈی (آئی این این): خیبرپختونخوا کے ضلع بنوں میں سکیورٹی فورسز کے قافلے پر فتنہ الخوارج کے خودکش حملے میں پاک فوج کے لیفٹیننٹ کرنل شہزادہ گلفراز اور سپاہی کرامت شاہ جامِ شہادت نوش کر گئے، جبکہ آپریشن کے دوران 5 خوارج کو جہنم واصل کر دیا گیا۔
پاک فوج کے شعبہ تعلقات عامہ آئی ایس پی آر کے مطابق سکیورٹی فورسز کو خفیہ اطلاع ملی تھی کہ علاقے میں خودکش بمبار کی گاڑی موجود ہے، جس پر فورسز نے فوری آپریشن شروع کر دیا۔ آپریشن کے دوران خوارج کا سراغ لگا لیا گیا اور اگلے دستے نے خودکش بمبار کو بروقت روکنے کی کوشش کی، تاہم مایوسی میں دہشتگرد نے بارود سے بھری گاڑی فورسز کی گاڑی سے ٹکرا دی، جس کے نتیجے میں یہ دردناک سانحہ پیش آیا۔
آئی ایس پی آر نے واضح کیا کہ سکیورٹی فورسز کی بروقت اور پیشہ ورانہ کارروائی کی بدولت بنوں شہر کو ایک بڑے سانحے سے بچا لیا گیا اور دہشتگردوں کے معصوم شہریوں اور اہلکاروں کو نشانہ بنانے کے ناپاک عزائم خاک میں ملا دیے گئے۔
شہداء کی قربانی کو خراجِ تحسین پیش کرتے ہوئے آئی ایس پی آر نے کہا کہ پاک فوج دہشتگردی کے خلاف جنگ کو آخری دم تک جاری رکھے گی۔
متعلقہ پوسٹ
باجوڑ چیک پوسٹ پر خود کش حملہ، 7 سکیورٹی اہلکار جان سے گئے: پولیس
صوبہ خیبر پختونخوا کے ضلع باجوڑ میں پیر کو عسکریت پسندوں کے خود کش بم حملے میں سات سکیورٹی اہلکار جان سے گئے جبکہ آٹھ عسکریت پسند مارے گئے۔ ڈپٹی سپرٹنڈنٹ پولیس نیاز محمد نے عرب نیوز کو بتایا چار سے پانچ کمروں پر مشتمل عمارت پر ہونے والے حملے میں سات پولیس اور ایف سی اہلکار جان سے گئے۔ ان…
غزہ امن بورڈ اجلاس: وزیراعظم شہباز شریف واشنگٹن پہنچ گئے
واشنگٹن — وزیراعظم شہباز شریف غزہ بورڈ آف پیس کے اہم اجلاس میں شرکت کے لیے امریکی دارالحکومت واشنگٹن ڈی سی پہنچ گئے ہیں۔ذرائع کے مطابق وزیراعظم کی واشنگٹن قیام کے دوران اعلیٰ امریکی حکام اور دیگر عالمی رہنماؤں سے اہم ملاقاتیں متوقع ہیں، جن میں غزہ میں جاری انسانی بحران اور امن عمل کو آگے بڑھانے پر تبادلہ خیال…
پاک افغان تنازع میں شدت پر تشویش ہے: چین
(24 نیوز)پاک افغان کشیدگی پر ترجمان چینی وزارت خارجہ نے بیان جاری کرتے ہوئے کہا کہ پاکستان اور افغانستان قریبی ہمسایہ ممالک ہیں اور دونوں چین کے بھی پڑوسی ہیں، چین تنازع میں شدت آنے پر گہری تشویش رکھتا ہے۔ ترجمان چینی وزارت خارجہ کے مطابق چین موجودہ صورتحال میں ہونے والی پیش رفت کو بغور دیکھ رہا ہے. چین…
پاپ اسٹار ریحانہ کے گھر پر فائرنگ، مشتبہ خاتون گرفتار
بین الاقوامی شہرت یافتہ پاپ اسٹار ریحانہ کے بیورلی ہلز میں واقع گھر پر فائرنگ کا واقعہ پیش آیا ہے جس کے بعد پولیس نے ایک مشتبہ خاتون کو حراست میں لے لیا۔ امریکی میڈیا رپورٹس کے مطابق لاس اینجلس پولیس ڈپارٹمنٹ کو فائرنگ کی اطلاع ملی، جس پر پولیس اہلکار فوری طور پر موقع پر پہنچ گئے۔ پولیس حکام…
