(ویب ڈیسک) ‘اکثریت نے تبدیلی کے حق میں ووٹ دیا’: یہودی عرب حکومت کا مطالبہ کرتے ہوئے ہفتہ کو ریلیاں نکالی جائیں گی۔
تل ابیب، یروشلم، بیر شیبہ، حیفہ، طیبہ میں چینج بلاک اور عرب پارٹیوں کے بلاک کی حکومت بنانے کے لئے تمام چینج بلاک پارٹیوں کو قائل کرنے کے لئے مظاہروں کا منصوبہ ہے۔ ان مظاہروں کے منتظمین کہہ رہے ہیں کہ ‘عرب ووٹوں کی قیمت یہودیوں کے ووٹوں کے برابر ہے، عرب شہریوں کو ملک کے مستقبل کی تشکیل میں مکمل شراکت دار ہونا چاہیے’
چینج بلاک کی پارٹیوں کو 120 ارکان کی کنیست میں 48 نشستیں ملی ہیں۔ نیتن یاہو کی انتہائی دائیں بازو کے اتحادیوں کی تمام پارٹیوں کو ملا کر 53 نشستیں ملی ہیں; 61 ارکان کی سادہ اکثریت حاصل کرنے کے لئے چینج بلاک کے سپیکر اور پرائم منسٹر کے امیدوار وں کو عرب جوائنٹ لسٹ اور رعام پارٹی کے 19 ووٹ مل سکتے ہیں کیونہ یہ دونوں واضح پیش کش کر چکی ہیں کہ وہ نیتن یاہو کے اقتدار کا خاتمہ کرنے کے لئے چینج گروپ کے ساتھ اتحاد کرنے پر تیار ہیں۔
چینج بلاک میں اس موضوع پر واضح تقسیم ہے، کم از کم ایک پارٹی یسرائیل بیتونی کے رہنما کھلے عام عرب پارٹیوں کو "ٹیررسٹ” قرار دے رہے ہیں۔ اس سے پہلے عرب سیاستدان کنیست میں تو بیٹھتے ہیں لیکن وہ کسی حکومت کا حصہ نہیں بنتے رہے البتہ 2021 میں رعام نے بینٹ کی حکومت مین شریک ہو کر اس روایت کو توڑا تھا۔ اب جوائنٹ لسٹ اور عرام دونوں چینج گروپ کی حکومت بنانے کے لئے تعاون کرنے پر تیار ہین۔ ڈیموکریٹس اور بعض دیگر پارٹیوں کے رہنما ان سے مل بھی رہے ہیں لیکن پبلک سطح پر چینج گروپ کی زایونسٹ پارٹیوں کو عرب سیاستدانوں کے ساتھ اتحاد کرنے میں "شرم آ رہی ہے۔”
چینج بلاک بلاک کی طرف سے یہودی عرب حکومت کے قیام کی حمایت میں آج ہفتے کی رات ملک بھر میں کئی مظاہرے متوقع ہیں۔
جیوش عرب سیاسی اتحاد کے حامی "سٹینڈنگ ٹوگیدر” گروپ کے منتظمین نے کہا کہ ریلیاں شام 7:30 بجے (پاکستان میں رات ساڑھے دس بجے) نکالی جائیں گی۔
تل ابیب کے حبیبہ اسکوائر، یروشلم کے پیرس اسکوائر کے ساتھ ساتھ بیر شیبہ، حیفہ اور طیب میں، منگل کے انتخابات کے بعد عرب جیوش اتحاد کے ساتھ حکومت کے قیام کا مطالبہ کر رہے ہیں۔
لیکود اور مذہبی یہودی پارٹیاں اقلیت لیکن نیتن یاہو کو نکالنے میں مسئلہ کیا ہے؟
26 ویں کنیست کے انتخابات میں اپوزیشن نے لیکود اور مذہبی جماعتوں کےاتحاد کی 53 کے مقابلے میں 67 نشستیں حاصل کیں۔
تاہم، وہ 67 صہیونی جماعتوں کے لیے 48 نشستیں اور عرب غیر صیہونی جماعتوں کے لیے 19 نشستوں پر مشتمل ہیں، جن کے ساتھ یہودی حزب اختلاف کی جماعتوں کے زیادہ تر رہنماؤں نے پہلے کہا ہے کہ وہ تعاون نہیں کریں گے۔ کیونکہ عرب سیاستدانوں کی واضح پوزیشنوں کے سبب وہ کبھی کسی حکومت کا حصہ بنتے ہی نہیں رہے۔ لیکن اب بات مختلف ہے کیونکہ دو دہائیوں سے اقتدار پر بیشتر وقت قابض رہی لیکود اور مذہبی جماعتوں کی اتحادی حکومت نہ صرف عربوں کو بلند چٹان کے کنارے تک لے آئی ہے بلکہ اپنے اتحاد سے باہر تمام اسرائیل کی عوام، عدلیہ، فوج اور دوسرے اداروں کو بھی گہری کھائی میں دھکیلنے کے لئے کھائی کے دہانے تک لے آئی ہے۔
چینج بلاک میں چار صہیونی جماعتیں گادی آئزن کوٹ کی یاشار، نفتالی بینیٹ کی بی یچد، یایر گولن کی ڈیموکریٹس اور ایویگدور لائبرمین کی یسرائیل بیتینو ہیں، جب کہ عرب قیادت والی جماعتیں یوسف جبرین کی جوائنٹ لسٹ اور منصور عباس کی رعام ہیں۔
آج ہو رہی اتحاد کی حامی ریلی کے منتظمین نے کہا کہ "مظاہرین مطالبہ کر رہے ہیں کہ بلاک کے رہنما ان عرب سیاستدانوں کی جیت کو تسلیم کریں اور یہودی-عرب شراکت پر مبنی حکومت بنائیں”۔
انہوں نے کہا کہ "یہودی عرب اکثریت جس نے تبدیلی کے حق میں ووٹ دیا تھا اس کی جھلک اگلی حکومت میں بھی ہونی چاہیے۔ اب وقت نہیں ہے کہ ہم اپنی شراکت کو ترک کریں بلکہ اسے ایک ایسی سیاسی قوت میں تبدیل کریں جو حقیقت کو بدل دے”۔
منتظمین نے کہا، "عرب ووٹوں کی اتنی ہی قیمت ہے جتنی یہودی ووٹوں کی، اور عرب شہریوں کو ملک کے مستقبل کی تشکیل میں مکمل شراکت دار ہونا چاہیے۔”
جمعے کی رات، ڈیموکریتس کے لیڈر یائیو گولن نے امید ظاہر کی کہ لائبرمین (یسرائیل بیتونی) کی جانب سے عوام کے اس تصور کو قبول کرنے سے انکار کے باوجود، تبدیلی کا بلاک عرب قیادت والی جماعتوں کی حمایت سے اگلی حکومت تشکیل دے سکتا ہے۔
گولن نے کسی بھی اتحاد کی حکومت کے خیال کو سختی سے مسترد کر دیا جس میں بنجمن نیتن یاہو کی لیکود پارٹی شامل ہو، اور دلیل دی کہ حزب اختلاف کی جماعتیں "حکومت قائم کر سکتی ہیں اور ہمیں حکومت قائم کرنی چاہیے”، حالانکہ 120 رکنی کنیست میں سے صرف 48 نشستیں حاصل کی ہیں۔ راعم کے ساتھ، بلاک کی 56 نشستیں ہوں گی، جبکہ جوائنٹ لسٹ مزید 11 نشستوں کی مالک ہے۔ جوائنٹ لسٹ دراصل تین عرب پارٹیوں کا مشترکہ فورم ہے؛ ان میں سے ایک کمیونسٹ، ایک سیکولرسٹ اور ایک سوشلسٹ خیالات کے ساتھ خود کو شناخت کرتے ہیں۔
گولن نے کہا کہ انہوں نے جمعرات کو یاشار کے رہنما گادی آئزن کوٹ، بی یچد کے دوسرے رہنما یائر لاپِد اور راعم کے سربراہ منصور عباس سے ملاقاتیں کیں، "اور میں نے تینوں کو مل کرحکومت بنانے کے لیے پرعزم پایا۔”
ڈیموکریٹس کے چیئرمین یائر گولن (دائیں) کی 29 اکتوبر 2026 کو رعم کے چیئرمین منصور عباس سے ملاقات۔ (بشکریہ ٹائمز آف اسرائیل)
تاہم، یسرائیل بیتونی کے لیڈر لائبرمین نے جمعے کے روز اپنی پارٹی کے کسی ایسے اتحاد میں شامل ہونے سے انکار کا اعادہ کیا جس میں عرب قیادت والی جماعتیں شامل ہوں۔ "ہم دہشت گردی کے حامیوں کے ساتھ نہیں بیٹھیں گے!”لائبرمین نے فیس بک پر Ra’am اور Joint List MKs کے متعدد بیانات اور اقدامات کا حوالہ دیتے ہوئے لکھا۔
یہ کہنے کے علاوہ کہ وہ عرب قیادت والی جماعتوں کے ساتھ حکومت میں شامل نہیں ہوں گے، لبرمین نے یہ بھی کہا ہے کہ وہ نیتن یاہو کے ساتھ حکومت میں بھی شامل نہیں ہوں گے۔
منگل کے انتخابات میں عرب ووٹروں کے ٹرن آؤٹ میں تاریخی اضافے نے اسرائیل کی عرب اکثریتی جماعتوں کی نشستیں الیکشن سے پہلے کے اوپینئین پولز کے تخمینوں سے کافی زیادہ برھا دی ہیں۔
نیتن یاہو کی اپوزیشن پارٹیاں اب تک یہ طے کرنے میں دشواری محسوس کرتی رہی ہیں کہ وہ نیتن یاہو کی سیاست کا عملی اختتام کرنے کے لئے عرب پارٹیوں کے ساتھ اتحاد کر سکتے ہیں۔
بائین اور سنٹر رائیٹ پارٹیوں کے لئے عرب سیاستدانوں کو حکومت میں شامل کرنا کوئی پرابلم نہیں لیکن سابق مخالف بیتونی پارٹی اسے مشکل قرار دے رہی ہے۔
اب چینج اتحاد کے ساتھ اس اتحاد کو میٹیریلائز کرنے اور پبلک کے سامنے لانے کے لئے دس دن ہیں کیونکہ دس روز بعد ہی نئی کنیست کے ارکان حلف لیں گے اور اس کے ساتھ ہی سپیکر کے انتخاب کے لئے سب کو اپنے کارڈ شو کرنا ہوں گے۔
بظاہر اب تک سب سے بڑی پارٹی کی قیادت کرنے کے باوجود نیتن یاہو کے پاس حکومت بنانے کے لیے درکار 61 نشستوں کی اکثریت حاصل کرنے کے لیے اپنے موجودہ انتہائی دائیں بازو اور الٹرا آرتھوڈوکس اتحادیوں سے آگے اپنے بلاک کو وسعت دینے کا کوئی راستہ نہیں ہے۔ کیونکہ وہ کچھ بھی پیشکش کر دیں، چینج بلاک سے کوئی پارٹی ان کو نزدیک بٹھانے پر تیار نہیں۔ نیتن یاہو کی زایونزم کے واسطے دے کر گادیایزنکوٹ کو اتحاد کرنے کی پیشکشوں کا ایزن مین نے سختی کے ساتھ مسترد کر کے جواب دیا اور واضح کیا کہ زایونسٹ آئیڈیاز اپنی جگہ لیکن پبلک نے ہمیں ووٹ نیتن یاہو کو نکالنے کے لئے دیا ہے۔
برسوں سے، نیتن یاہو نے عرب قانون سازوں کو ناجائز سیاسی شراکت داروں کے طور پر پیش کرنے کے لیے مہم چلائی ہے – نیتن یاہو کی مسلسل کیمپین نے مؤثر طریقے سے اسرائیل کی آبادی کے تقریباً پانچویں حصے کے نمائندوں کو حکومت اور سیاسی ڈسکورس سے باہر کر دیا ہے۔
اس کے باوجود، حالیہ برسوں میں متعدد ایسے مواقع سامنے آئے ہیں کہ نیتن یاہو نے اسلامسٹ راعم پارٹی کے ساتھ اتحاد کی کوشش کی ہے۔
راعم کے لیڈر منصورعباس نے بدھ کو کہا، جیسا کہ انہوں نے 2022 کے آخری انتخابات کے بعد کہا تھا کہ ان کی پارٹی نیتن یاہو کے اتحاد کے ارکان سے رابطے میں ہے۔
عباس نے چینل 12 کو بتایا، "ہر کوئی ہمارے ساتھ بات کر رہا ہے۔” منصور عباس نے اشارہ دیا کہ نتن یاہو کے حامی بلاک سے بھی ان سے رابطہ کیا گیا ہے۔
چونکہ ان کی اسلام پسند پارٹی 2021 میں اسرائیلی حکومت میں شامل ہونے والا پہلا عرب گروپ ہے، عباس نے اپنی پارٹی کو یہودی ووٹروں اور ممکنہ اتحادی شراکت داروں کے لیے زیادہ قابل قبول بنانے کی کوشش کی ہے، منصور عباس نے خاص طور پر سابق یش عتید قانون ساز اور عوامی تحفظ کے نائب وزیر یوو سیگالووتز کو یہودی صیہونی شناخت کے ساتھ ہی اپنی پارٹی کے نمبر 2 کے امیدوار کے طور پر پیش کیا۔
بدھ کے روز، جوائنٹ لسٹ نے اتحاد کے باہر سے ایک متبادل حکومت کی حمایت کرنے کی پیشکش کی، ج جوائنٹ لسٹ کے سربراہ جبرین نے نیتن یاہو کو بے دخل کرنے کے لیے اپنے دھڑے کی نئی پارلیمانی طاقت کا استعمال کرنے کے عزم کا اظہار کیا۔
موشے یعلون، جو ایک سابق عقابی وزیر دفاع رہے ہیں، وہ نیتن یاہو کے ناقد ہیں۔ انہوں نے جمعہ کے روز یہودیوں کی قیادت والی اپوزیشن جماعتوں سے بھی مطالبہ کیا کہ وہ راعم کے ساتھ حکومت بنائیں اور اس کے سربراہ عباس کو وزارتبھی پیش کریں۔
انہوں نے عباس کے اقدامات کو انتہائی دائیں بازو کے وزراء اتمار بن گویر اور بیزلل سموترچ سے بہرحال بہتر قرار دیا۔
یاعلون نے لکھا، "میں اتمار بین گویر کو اپنے وقت سے شن بیٹ کے لئے نگرانی کرنے کے لائق شخص کے طور پر جانتا ہوں، جب اس نے ہیبرون کے علاقے میں نفرت، اشتعال انگیزی اور تشدد کو ہوا دی۔” "اسے اپنے اعمال کے لیے آٹھ الگ الگ الزامات پر سزا سنائی گئی، جس میں ایک (یہودی) دہشت گرد تنظیم کی حمایت بھی شامل ہے۔
سابق وزیر دفاع اور آئی ڈی ایف کے سربراہ یاعلون نے مزید کہا، ’’میں بیزلیل سموتریچ کو اس وقت سے جانتا ہوں جب اسے روٹ 1 پر 700 لیٹر ایندھن کو دھماکے سے اڑانے کی منصوبہ بندی کے شبے میں گرفتار کیا گیا تھا۔
"منصور عباس یہودی نہیں ہیں، لیکن میں امید کروں گا کہ زیادہ تر اسرائیلی شہری مسیحا پرستوں، نسل پرستوں اور فسطائیوں کی نسبت زیادہ ان کی (یہودیوں کی) اقدار سے ہم آہنگ ہوں گے۔”
یہ بھی پڑھیں: اسرائیل کی فوج نے نیتن یاہو کی ایران پر ایکشن کی ہدایت مسترد کر دی
