قطری میڈیا آفس نے امریکا اور ایران کے درمیان معاہدہ نہ ہونے سے متعلق خبروں کو غلط قرار دیتے ہوئے کہا ہے کہ دونوں فریق اب بھی معاہدے تک پہنچنے کے لیے کام کر رہے ہیں۔
قطر کے وزیرِاعظم اور وزیرِ خارجہ شیخ محمد بن عبدالرحمٰن آل ثانی نے جمعے کو صحافیوں سے گفتگو کرتے ہوئے کہا تھا کہ امریکا اور ایران کسی جامع معاہدے تک پہنچنے میں ناکام رہے ہیں۔
انہوں نے دونوں فریقوں پر زور دیا کہ وہ ایک اچھے معاہدے کو قبول کریں، بجائے اس کے کہ کسی کامل معاہدے کے انتظار میں رہیں۔
قطری میڈیا آفس کے مطابق وزیرِاعظم کے بیان کو توڑ مروڑ کر پیش کیا گیا، ان کا مطلب یہ نہیں تھا کہ معاہدے کی کوششیں ناکام ہوچکی ہیں۔
