سیلاب متاثرین کی بحالی حکومت کی اولین ترجیح ہے: وزیراعظم شہباز شریف

وزیراعظم محمد شہباز شریف نے جمعہ کے روز کہا ہے کہ وفاقی حکومت سیلاب سے متاثرہ خاندانوں کی مکمل بحالی کے لیے پرعزم ہے اور اس سلسلے میں تمام وسائل بروئے کار لائے جائیں گے۔

وزیراعظم نے واضح کیا کہ خیبر پختونخوا کے سیلاب زدہ علاقوں میں متاثرہ عوام کو سہولت فراہم کرنے اور بحالی کے عمل کو تیز تر بنانے کے لیے اقدامات تیزی سے جاری ہیں۔ انہوں نے کہا کہ وفاقی حکومت صوبائی حکومت اور مقامی انتظامیہ کے ساتھ قریبی رابطے میں ہے تاکہ متاثرین کو فوری ریلیف فراہم کیا جا سکے۔

وزیراعظم نے یقین دلایا کہ متاثرہ خاندانوں کو اکیلا نہیں چھوڑا جائے گا اور ان کی بحالی تک اقدامات جاری رہیں گے۔