اسلام آباد کے پاکستان انسٹی ٹیوٹ آف میڈیکل سائنسز (پمز) میں آتشزدگی کے نتیجے میں 14 نومولود بچوں کی موت کے دلخراش واقعے نے جہاں پورے ملک کو سوگوار کر دیا وہیں شوبز سے وابستہ معروف مائیں بھی اپنے جذبات پر قابو نہ رکھ سکیں۔
سعدیہ امام
اداکارہ اور میزبان سعدیہ امام بھی نومولود بچوں کی موت پر بات کرتے ہوئے شدید جذباتی نظر آئیں۔ انہوں نے سانحے پر افسوس کا اظہار کرتے ہوئے سوال اٹھایا کہ کیا متاثرہ خاندانوں کو اس واقعے پر انصاف مل سکے گا؟
سویرا پاشا
سویرا پاشا واقعے پر گفتگو کرتے ہوئے اپنے جذبات پر قابو رکھنے کی کوشش کرتی رہیں تاہم بچوں اور ان کی ماؤں کی تکلیف کا ذکر کرتے ہوئے کیمرے کے سامنے آبدیدہ ہو گئیں۔
جویریہ سعود کا نظام پر اظہارِ مایوسی
اداکارہ جویریہ سعود نے بھی واقعے پر شدید افسوس اور غصے کا اظہار کرتے ہوئے کہا کہ ایسی غفلت جس کے نتیجے میں معصوم بچوں کی جانیں چلی جائیں، ناقابلِ برداشت ہے۔
مہر بخاری کا حکام سے سخت سوال
میزبان اور صحافی مہر بخاری نے بھی سانحے پر سخت ردعمل دیتے ہوئے متعلقہ حکام کو تنقید کا نشانہ بنایا۔
کرن ناز:
