امریکہ: ٹرمپ کا تباہ حال ’واک آف فیم اسٹار‘ بڑھتی سیاسی تقسیم کا عکاس


لاس اینجلس: امریکی صدر ڈونالڈ ٹرمپ کا ہالی ووڈ واک آف فیم پر واقع اسٹار بار بار توڑ پھوڑ اور توہین کا نشانہ بنا ہوا ہے، جسے مبصرین امریکہ میں گہری سیاسی پولرائزیشن کی ایک علامت قرار دے رہے ہیں۔ ٹرمپ کو یہ اسٹار 2007ء میں ریئلٹی شو دی اپرنٹس اور مس یونیورس مقابلوں کی پروڈیوسنگ پر ملا تھا۔
2016ء کے صدارتی انتخابات سے قبل ایک شخص نے اسٹار پر سلیج ہیمر اور کلہاڑی سے حملہ کر کے اسے شدید نقصان پہنچایا تھا، جبکہ 2018ء میں بھی ایک نوجوان نے اسے پک ایکس سے تباہ کر دیا تھا۔ اس کے علاوہ اس پر اسپرے پینٹ، گندگی، توہین آمیز تحریریں اور حامی و مخالفین کے درمیان جھڑپیں بھی عام ہو چکی ہیں۔
ہالی ووڈ چیمبر آف کامرس کا کہنا ہے کہ واک آف فیم ایک تاریخی مقام ہے اور ایک بار لگنے کے بعد اسٹار کو اس کے تاریخی حصے کے طور پر دیکھا جاتا ہے؛ اسی لیے اب تک کسی اسٹار کو مستقل طور پر ہٹایا نہیں گیا ہے۔
ماہرین کا کہنا ہے کہ یہ ٹوٹا ہوا اسٹار صرف ایک سیاحتی مقام کی حالت نہیں، بلکہ امریکی معاشرے میں ٹرمپ کے حامیوں اور ناقدین کے درمیان بڑھتے اختلاف، سیاسی غصے اور عوامی اظہارِ رائے کے تلخ انداز کی عکاسی کرتا ہے۔

متعلقہ پوسٹ