اسلام آباد: انٹرنیشنل کرکٹ کونسل (آئی سی سی) نے آئی سی سی مینز ٹی ٹوئنٹی ورلڈ کپ 2026 کے لیے کمنٹری پینل کا اعلان کر دیا ہے، جس میں دنیا بھر کے سابق بین الاقوامی کرکٹرز اور معروف براڈکاسٹرز شامل ہیں۔
کمنٹری پینل میں پاکستان کی نمائندگی وسیم اکرم، وقار یونس، بازید خان اور رمیز راجہ کریں گے، جو ٹورنامنٹ کے دوران میچوں پر تجزیہ اور کمنٹری کریں گے۔
آئی سی سی کے اعلان کردہ پینل میں دیگر نمایاں ناموں میں روی شاستری، ناصر حسین، ایئن اسمتھ، ایئن بیشپ، ایرون فنچ، دنیش کارتک، کمار سنگاکارا، سیموئل بدری، روبن اتھاپا اور کارلوس بریتھویٹ شامل ہیں۔
اس کے علاوہ سنیل گواسکر، اوئن مورگن، میتھیو ہیڈن، ڈیل اسٹین اور شان پولاک بھی ورلڈ کپ کی کمنٹری ٹیم کا حصہ ہوں گے۔
جنوبی افریقا کے ٹیمبا باووما اور سری لنکا کے این جیلو میتھیوز پہلی بار ٹی ٹوئنٹی ورلڈ کپ میں کمنٹری کے فرائض انجام دیں گے۔
آئی سی سی مینز ٹی ٹوئنٹی ورلڈ کپ 2026 کا باقاعدہ آغاز جمعرات سے ہو رہا ہے، جبکہ پاکستان ٹیم اپنا پہلا میچ نیدرلینڈز کے خلاف کھیلے گی۔
متعلقہ پوسٹ
نوواک جوکووچ نے ٹینس میں نئی تاریخ رقم کردی
سربیا سے تعلق رکھنے والے دنیائے ٹینس کے اسٹار کھلاڑی نواک جوکووچ نے نئی تاریخ رقم کردی، وہ 400 گرینڈ سلیم میچز جیتنے والے دنیا کے پہلے کھلاڑی بن گئے۔ نواک جوکووچ نے یہ کارنامہ آسٹریلین اوپن 2026 میں سر انجام دیا۔ ہفتے کو نواک جوکووچ نے آسٹریلین اوپن میں نیدرلینڈز کے حریف کو 6-3, 6-4, 7-6 (7/4) سے شکست…
بونا کہنے پر جسپریت بمرا اور رشبھ پنت نے ٹیمبا باووما سے معافی مانگ لی
کراچی: ٹیسٹ سیریز کے دوران جنوبی افریقہ کے کپتان ٹیمبا باووما کو مبینہ طور پر بونا کہنے کے معاملے پر بھارتی کرکٹ ٹیم کے کھلاڑی جسپریت بمرا اور رشبھ پنت نے معافی مانگ لی۔ واقعے کے بعد سوشل میڈیا پر خاصی ہلچل دیکھنے میں آئی تاہم انٹرنیشنل کرکٹ کونسل نے بھارتی کھلاڑیوں کے خلاف کوئی تادیبی کارروائی نہیں کی۔ ٹیمبا باووما…
سانحہ گل پلازہ: ہلاکتیں 26، 73 افراد تاحال لاپتا، سرچ آپریشن جاری
کراچی: ایم اے جناح روڈ پر واقع گل پلازہ میں پیش آنے والے ہولناک آتشزدگی کے واقعے میں جاں بحق افراد کی تعداد 26 ہو گئی ہے، جبکہ 73 افراد اب بھی لاپتا ہیں۔سندھ حکومت کی جانب سے قائم ہیلپ ڈیسک کے مطابق ابتدائی طور پر 70 افراد کے لاپتا ہونے کی رپورٹ درج کی گئی تھی، تاہم مزید تین…
