"پاکستان نے وہ کیا جو باقی نہ کر سکے” — مقبوضہ کشمیر کے وزیراعلیٰ عمر عبداللہ کا اعتراف

IMG 20260409 WA1633


سرینگر
مقبوضہ کشمیر کے وزیراعلیٰ عمر عبداللہ نے ایران امریکا جنگ بندی میں پاکستان کے کردار کی کھلے دل سے تعریف کرتے ہوئے کہا ہے کہ ماننا پڑے گا کہ پاکستان نے وہ کر دکھایا جو دیگر ممالک نہیں کر سکے۔
عمر عبداللہ نے بھارت کی پوزیشن پر بھی صراحت سے بات کی اور کہا کہ اسرائیل کے ساتھ بھارت کے قریبی تعلقات اس موقع پر ہماری کمزوری بن گئے۔ انہوں نے کہا کہ یہ جنگ صرف اسرائیل کو مطلوب تھی اور اگر بھارت اسرائیل کے اتنا قریب نہ ہوتا تو وہ بھی وہ سفارتی کردار ادا کر سکتا تھا جو پاکستان نے ادا کیا۔
وزیراعلیٰ نے کہا کہ بہرحال خوشی ہے کہ جنگ بندی ہوئی، چاہے اس میں پاکستان نے کردار ادا کیا ہو۔ ان کا یہ بیان بھارت میں ایک غیرمعمولی اعتراف کے طور پر دیکھا جا رہا ہے کیونکہ پاکستان کی تعریف بھارتی قیادت میں شاذ و نادر ہی سنی جاتی ہے۔

متعلقہ پوسٹ