اسلام آباد (نمائندہ خصوصی وائس آف جرمنی ) پاکستان نے امریکہ سے ہونے والے معدنیات کے معاہدے کے بعد نایاب قدرتی معدنیات کی پہلی کھیپ امریکہ بھیج دی ہے۔
امریکی شہر شکاگو میں قائم ایک پبلک ریلیشنز فرم کی جانب سے جاری رپورٹ کے مطابق، یہ پیش رفت پاکستان اور امریکہ کے درمیان حال ہی میں طے پانے والے 50 کروڑ ڈالر مالیت کے معدنیاتی معاہدے کے تحت عمل میں آئی ہے۔
ذرائع کے مطابق، اس معاہدے کا مقصد نایاب معدنیات کی کان کنی، پراسیسنگ اور ٹیکنالوجی کے تبادلے کے ذریعے دوطرفہ تجارتی تعلقات کو فروغ دینا ہے۔ ابتدائی کھیپ میں وہ معدنیات شامل ہیں جو جدید الیکٹرونکس، توانائی اور دفاعی صنعتوں میں استعمال ہوتی ہیں۔
سرکاری حکام کے مطابق، پاکستان کے مختلف علاقوں سے حاصل کردہ معدنیات کو بین الاقوامی معیار کے مطابق تیار کر کے امریکہ بھجوایا گیا ہے۔ توقع ہے کہ اس معاہدے سے پاکستان کے معدنیاتی شعبے میں غیر ملکی سرمایہ کاری میں اضافہ ہوگا اور مقامی معیشت کو نئی توانائی ملے گی۔
متعلقہ پوسٹ
ایرانی صدر: نطنز یا فردو کو نشانہ بنایا جا سکتا ہے لیکن ایران کو روکنا ناممکن ہےتہران – ایرانی صدر مسعود پزشکیان نے خبردار کیا ہے کہ اگرچہ دشمن ایران کی جوہری تنصیبات نطنز یا فردو پر حملے کی کوشش کر سکتا ہے، لیکن اس کے باوجود ایران کے ایٹمی پروگرام کو روکنا ممکن نہیں ہوگا۔صدر نے اپنے بیان میں کہا کہ حملے سے وقتی نقصان ضرور پہنچ سکتا ہے مگر ایرانی سائنسدان اور قوم اپنی…
بھارت میں فوجی اہلکاروں کا احتجاج شدت اختیار کرگیا
پٹنا: بھارتی ریاست بہار میں فوجی اہلکاروں کی جانب سے مراعات اور بنیادی ضروریات کی عدم فراہمی کے خلاف احتجاج کا سلسلہ جاری ہے۔ مظاہروں میں سابق اور حاضر سروس فوجی اہلکار شریک ہیں، جنہوں نے مطالبہ کیا ہے کہ ان کے حقوق فوری طور پر پورے کیے جائیں۔پٹنا میں احتجاج کرتے ہوئے اہلکاروں نے خبردار کیا کہ اگر ان…
